ଜଙ୍କ୍ଫୁଡ୍ ଖାଇ ନିଜର ଭୋକ ମେଣ୍ଟାଉଛନ୍ତି କି? ଯଦି ହଁ, ତେବେ ସତର୍କ ରୁହନ୍ତୁ। ଏକ ସଦ୍ୟତମ ଅଧ୍ୟୟନ ଅନୁସାରେ, ଏହିସବୁ ଖାଦ୍ୟ ମସ୍ତିଷ୍କର କାର୍ଯ୍ୟ ଏବଂ ଆଚରଣ ଉପରେ ଗମ୍ଭୀର ପ୍ରଭାବ ପକାଏ। ଏହା ମସ୍ତିଷ୍କକୁ କ୍ଷତି ପହଞ୍ଚାଇପାରେ। ଯାହା ଫଳରେ ଏହିସବୁ ଖାଦ୍ୟ ସମ୍ପର୍କରେ ପୂର୍ବରୁ ଚେତାବନୀ ଦିଆଯାଇଛି।
ଜଙ୍କ୍ଫୁଡ୍ ଓ ଡିମେନ୍ସିଆର ସମ୍ପର୍କ:
WHO ଅନୁଯାୟୀ, ବିଶ୍ୱରେ ଅଧିକାଂଶ ମୃତ୍ୟୁ ହୃଦ୍ରୋଗ ଯୋଗୁ ଘଟୁଛି। ଏହାର ଏକ ମୁଖ୍ୟ କାରଣ ହେଉଛି ଜଙ୍କ୍ଫୁଡ୍। ଆମେରିକୀୟ ଆଲଜାଇମର ଆସୋସିଏଶନର ଏକ ଗବେଷଣା ଅନୁସାରେ, ଅଧିକ ଜଙ୍କ୍ଫୁଡ୍ ଖାଇବା ଡିମେନ୍ସିଆର ଆଶଙ୍କା ବୃଦ୍ଧି କରେ। ଏହା ସ୍ମୃତି, ଚିନ୍ତା ଶକ୍ତି, ଏବଂ ଯୁକ୍ତି କ୍ଷମତାକୁ ପ୍ରଭାବିତ କରେ।
ଜଙ୍କ୍ଫୁଡ୍ରେ ଥିବା ଟ୍ରାନ୍ସ ଫ୍ୟାଟ୍ ଓ ସୁଗାରର ପ୍ରଭାବ:
ଜଙ୍କ୍ଫୁଡ୍ରେ ଥିବା ଟ୍ରାନ୍ସ ଫ୍ୟାଟ୍ ଏବଂ ସୁଗାର ମସ୍ତିଷ୍କକୁ କ୍ଷତି ପହଞ୍ଚାଏ। ଏହା ସ୍ମୃତି ଶକ୍ତି ଏବଂ ନିଷ୍ପତ୍ତି ନେବା କ୍ଷମତାକୁ ପ୍ରତିକୂଳ ଭାବରେ ପ୍ରଭାବିତ କରେ। ଦୀର୍ଘ ସମୟ ଧରି ଏସବୁ ଖାଦ୍ୟ ଖାଇବା ଡିମେନ୍ସିଆ ଭଳି ରୋଗ ସୃଷ୍ଟି କରିପାରେ।odiadarpan
ମସ୍ତିଷ୍କର ଗଠନ ଉପରେ ଜଙ୍କ୍ଫୁଡ୍ର ପ୍ରଭାବ:
ଅଧିକ କ୍ୟାଲୋରୀ ଜଙ୍କ୍ଫୁଡ୍ ମସ୍ତିଷ୍କର ଗଠନକୁ ପ୍ରଭାବିତ କରେ। ଏଥିରେ ଥିବା ଅଧିକ ଚର୍ବି ଏବଂ ଚିନି ମସ୍ତିଷ୍କର ହିପୋକ୍ୟାମ୍ପସକୁ କ୍ଷତି ପହଞ୍ଚାଏ। ଏହା ସ୍ମୃତି ଏବଂ ଶିଖିବା ପାଇଁ ଜରୁରୀ। ଏହିସବୁ ଖାଦ୍ୟ ଅଧିକ ଖାଇବା ଦ୍ୱାରା ହିପୋକ୍ୟାମ୍ପସର ନ୍ୟୁରୋନଗୁଡ଼ିକୁ ନଷ୍ଟ କରେ।
ନ୍ୟୁରୋଟ୍ରାନ୍ସମିଟର ଅସନ୍ତୁଳନ ଓ ଡୋପାମିନର ପ୍ରଭାବ:
ଜଙ୍କ୍ଫୁଡ୍ ଖାଇବା ଦ୍ୱାରା ମସ୍ତିଷ୍କରେ ନ୍ୟୁରୋଟ୍ରାନ୍ସମିଟରର ଅସନ୍ତୁଳନ ହୁଏ। ଏଗୁଡ଼ିକ ମସ୍ତିଷ୍କର ବିଭିନ୍ନ ଅଂଶକୁ ବାର୍ତ୍ତା ପଠାଇବା ପାଇଁ କାମ କରେ। ଉଚ୍ଚ କ୍ୟାଲୋରୀ ଏହିସବୁ ଖାଦ୍ୟ ଡୋପାମିନ ସ୍ତର ବୃଦ୍ଧି କରେ, ଯାହା ନିଶା ସୃଷ୍ଟି କରିପାରେ। ଏହି କାରଣରୁ, ବାରମ୍ବାର ପିଜ଼ା ,ବର୍ଗର ଭଳି ଖାଦ୍ୟ ଖାଇବାକୁ ଇଚ୍ଛା ହୁଏ।
ମାନସିକ ସ୍ବାସ୍ଥ୍ୟ ଉପରେ ଜଙ୍କ୍ଫୁଡ୍ର ପ୍ରଭାବ:
ଉଚ୍ଚ କ୍ୟାଲୋରୀ ଜଙ୍କ୍ଫୁଡ୍ ମାନସିକ ସ୍ବାସ୍ଥ୍ୟ ଉପରେ ଖରାପ ପ୍ରଭାବ ପକାଏ। ଏହା ଡିପ୍ରେସନ, ଚାପ, ଏବଂ ଚିନ୍ତା ବୃଦ୍ଧି କରେ। ଅଧିକ ଟ୍ରାନ୍ସ ଫ୍ୟାଟ୍ ଏବଂ ସୁଗାର ମସ୍ତିଷ୍କରେ ଫୁଲା ସୃଷ୍ଟି କରେ।
ଆଚରଣ ପରିବର୍ତ୍ତନ:
ଜଙ୍କ୍ଫୁଡ୍ ଖାଇବା ଦ୍ୱାରା ଆଚରଣ ପରିବର୍ତ୍ତନ ହୁଏ। ଏହା ଚଡ଼ିଚିଡ଼ାପଣ, ଆଳସ୍ୟ, ଏବଂ ଜୀବନ ପ୍ରତି ବିରକ୍ତି ସୃଷ୍ଟି କରେ। ଏହା ଆପଣଙ୍କୁ କ୍ରୋଧିତ ଏବଂ ଆକ୍ରମଣାତ୍ମକ ମଧ୍ୟ କରିପାରେ।
ସୁସ୍ଥ ଖାଦ୍ୟ ବ୍ୟବହାରର ଗୁରୁତ୍ୱ:
ତେଣୁ, ସୁସ୍ଥ ଖାଦ୍ୟ ବ୍ୟବହାର କରନ୍ତୁ ଏବଂ ଜଙ୍କ୍ଫୁଡ୍ର ପ୍ରଭାବରୁ ଦୂରେଇ ରୁହନ୍ତୁ। ସ୍ୱାସ୍ଥ୍ୟସମ୍ମତ ଖାଦ୍ୟ ଖାଇ ମସ୍ତିଷ୍କ ଓ ଶରୀରକୁ ସୁସ୍ଥ ରଖନ୍ତୁ।
