ପିଲାଙ୍କୁ ମିଛ କହିବା ଅଭ୍ୟାସରୁ କିପରି ଦୂରେଇ ରଖିବେ?

ମିଛ କହିବା ଏକ ଖରାପ ଅଭ୍ୟାସ ଯାହା ପିଲାଙ୍କ ବୃଦ୍ଧି ଓ ବ୍ୟକ୍ତିତ୍ୱ ଉନ୍ନତିରେ ବାଧା ସୃଷ୍ଟି କରେ। ଭୟ, ଲଜ୍ଜା ବା ଅନ୍ୟ କାରଣରୁ ପିଲାମାନେ ବେଳେବେଳେ ମିଛ କହିବା ଆରମ୍ଭ କରିଦିଅନ୍ତି। ଏହି ଅଭ୍ୟାସକୁ ଛୋଟବେଳୁ ସଠିକ୍ ଭାବେ ନିୟନ୍ତ୍ରଣ କରିବା ଜରୁରୀ। ଅଭିଭାବକମାନେ କିଛି ସରଳ ଉପାୟ ଅବଲମ୍ବନ କରି ପିଲାଙ୍କୁ ସତ୍ୟ କହିବାକୁ ପ୍ରେରଣା ଦେଇପାରିବେ।

ପିଲାଙ୍କ ମିଛ କହିବାର ଅଭ୍ୟାସ ଦୂର କରିବାର ଉପାୟ

୧. ଖୋଲା ଓ ସ୍ନେହପୂର୍ଣ୍ଣ ପରିବେଶ ସୃଷ୍ଟି କରନ୍ତୁ

ପିଲାମାନେ ଯେତେବେଳେ ଭୟ ବା ଅସୁରକ୍ଷିତ ଅନୁଭବ କରନ୍ତି, ସେତେବେଳେ ମିଛ କହିବା ଆରମ୍ଭ କରିଦିଅନ୍ତି। ତେଣୁ ଅଭିଭାବକମାନେ ଏକ ଖୋଲା ଓ ସ୍ନେହପୂର୍ଣ୍ଣ ପରିବେଶ ସୃଷ୍ଟି କରିବା ଜରୁରୀ। ପିଲାଙ୍କୁ ବୁଝାଇ କହନ୍ତୁ ଯେ ସେମାନଙ୍କର ଭୁଲ୍‌ କବୁଲାତ କଲେ ମଧ୍ୟ ସେମାନଙ୍କୁ ନିଃଶର୍ତ୍ତ ଭାବେ ଭଲ ପାଇବେ।

୨. ରାଗ ନକରି ଶାନ୍ତ ଭାବେ ବୁଝାନ୍ତୁ

ପିଲା ମିଛ କହିଲେ ରାଗିଯିବା ବା ଦଣ୍ଡ ଦେବା ଠିକ୍ ନୁହେଁ। ଏଥିରେ ପିଲା ଆହୁରି ଅଧିକ ଭୟଭୀତ ହୋଇ ମିଛ କହିବାର ଅଭ୍ୟାସ ବଢ଼ାଇପାରେ। ବରଂ ଶାନ୍ତ ଭାବେ ବୁଝାଇ କହନ୍ତୁ ଯେ ମିଛ କହିବା କାହିଁକି ଭୁଲ୍‌ ଏବଂ ସତ୍ୟ କହିବା କାହିଁକି ଗୁରୁତ୍ୱପୂର୍ଣ୍ଣ।

୩. ମିଛର ଖରାପ ପ୍ରଭାବ ବୁଝାନ୍ତୁ

ପିଲାମାନେ ଯେତେବେଳେ ମିଛ କହନ୍ତି, ସେତେବେଳେ ସେମାନଙ୍କୁ ଏହାର ନକାରାତ୍ମକ ପ୍ରଭାବ ବୁଝାଇ କହନ୍ତୁ। ଉଦାହରଣ ସ୍ୱରୂପ, ଗପ ବା କାହାଣୀ ମାଧ୍ୟମରେ ଦର୍ଶାନ୍ତୁ ଯେ ମିଛକହିବା ଫଳରେ କିପରି ବିଶ୍ୱାସଘାତ ହୁଏ ଏବଂ ସମ୍ପର୍କ ନଷ୍ଟ ହୋଇପାରେ।

୪. ନିଜେ ସତ୍ୟ କହି ଉଦାହରଣ ସୃଷ୍ଟି କରନ୍ତୁ

ପିଲାମାନେ ଅଭିଭାବକଙ୍କ ଆଚରଣକୁ ଅନୁକରଣ କରନ୍ତି। ତେଣୁ ନିଜେ ସବୁବେଳେ ସତ୍ୟ କହି ଏକ ଭଲ ଉଦାହରଣ ସୃଷ୍ଟି କରନ୍ତୁ। ଯେତେବେଳେ ପିଲା ଦେଖିବେ ଯେ ତାଙ୍କ ପରିବାରରେ ସତ୍ୟ କହିବାକୁ ଗୁରୁତ୍ୱ ଦିଆଯାଉଛି, ସେ ମଧ୍ୟ ଏହାକୁ ଅନୁସରଣ କରିବେ।

ସାରାଂଶ

ମିଛ କହିବାଦ୍ୱାରା ପିଲାଙ୍କ ମାନସିକ ବିକାଶକୁ ପ୍ରଭାବିତ କରିପାରେ। ତେଣୁ ଅଭିଭାବକମାନେ ଖୋଲା ସଂବାଦ, ସ୍ନେହ ଓ ଧ୍ୟାନ ଦେଇ ପିଲାଙ୍କ ମଧ୍ୟରେ ସତ୍ୟ କହିବାର ଅଭ୍ୟାସ ବୃଦ୍ଧି କରିବା ଜରୁରୀ। ଏହି ସାଦା ଉପାୟ ଅନୁସରଣ କରି ପିଲାଙ୍କୁ ସତ୍ୟବାଦୀ ଓ ନୈତିକ ବ୍ୟକ୍ତିତ୍ୱ ଭାବେ ଗଠନ କରିହେବ।

ଆହୁରି ପଢନ୍ତୁ –ପାକିସ୍ତାନ ଦେଲା ଚେତାବନୀ